2010eko abuztuaren 23an, Nafarroako Zainketa Aringarrien Elkartea (PALIAN) sortu eta erregistratu zen.

Elkarte zientifikoa da, irabazi-asmorik gabea. Beren eguneroko lanean gaixotasun aurreratu eta sendaezina duten gizon-emakumeak eta haien senideak artatu, zaindu eta laguntzen dituzten pertsonak biltzen dira elkartean.

Horrenbestez, elkartean kide dira bai osasun arloko profesionalak (medikuak, erizainak, erizaintza-laguntzaileak), bai bestelako arloetan diharduten profesionalak (psikologoak, gizarte langileak, musikoterapeutak, ikertzaileak eta boluntarioak), hainbat esparrutan ari direnak, hala nola medikuntza aringarrian, onkologian, barne medikuntzan, lehen laguntzan, geriatrian, pediatrian eta abarretan.

Nafarroan Zainketa Aringarriak bultzatu, sustatu, garatu eta hedatzeko asmoz sortu da eta arlo horretan diharduten pertsona guztien arteko lotura izateko.

Sortu zenetik, PALIANek zabalkunde eta prestakuntza arloko jarduerak antolatu ditu (jardunaldiak, biltzarrak, death kafeak, webinarrak, etab, hala herritarrentzat oro har, nola gaixotasun aurreratua eta sendaezina duten pertsonak eta haien senideak zaintzen dituzten profesionalentzat). 

Ez ditugu alde batera uzten gure aldarrikapenak. Izan ere, Zainketa Aringarriek Nafarroan merezi bezalako lekua hartzea nahi dugu, hala laguntza mailan, nola arlo akademikoan eta ikerkuntzan.